Экалагічны маршрут: «Рэчка Сула – Млыновы шлях»

Геаграфія маршруту: вёскі Найдзёнавічы - Зуберава Стаўбцоўскага раёна Менскай вобласьці

Сродак перамяшчэньня: сплаў на байдарках (2-3 дні, выходныя)

Час правядзеньня: травень - кастрычнік

Апісаньне маршруту

Маршрут складаецца з трох варыянтаў дыстанцый: 21, 35 або 60 км і павінен зацікавіць аматараў артэфактаў будаўніцтва на беларускіх рэках штучных збудаваньняў і ў прыватнасьці млыноў, аматараў гісторыі і фатаграфіі, актыўнага адпачынку і, вядома ж, сплава на байдарках. На маршруце прысутнічае элемент лякальных пешаходных экскурсій і наведваньне сельскай сядзібы «Стары Млын».

Маршрут праходзіць па рацэ Сула, адной з самых чыстых рэчак Менскай вобласьці і Беларусі, правым прытоку Нёмана. У ёй водзіцца рачная стронга. Маршрут праходзіць праз вёскі Найдзёнавічы, Навапольле, Зуберава, у якіх маюцца помнікі архітэктуры і рэлігіі, ваенныя помнікі.

На маршруце сустракаюцца тры вадзяныя млыны ў рознай ступені разбурэньня, рэшткі буйнога, у свой час хутара, астанкі драўлянай капліцы, помнік загінулым воінам ВАВ. Маршрут разьлічаны на некалькі дзён, таму прапануецца начлег у сядзібе або ў намётавым лягеры.

Легенда маршруту

Дастаўка аўтатранспартам у вёску Найдзёнавічы ці Кароліна. У вёсцы Найдзёнавічы агляд славутасьцяў: руіны вадзянога млына і плаціны, руіны драўлянай капліцы 1777 года. Агляд астанкаў хутара Ячёнка. У вёсцы Навапольле агляд астанкаў вадзянога млына 1915 года, шпацыр па брукаванай дарозе. Начлег і вячэра ў сядзібе або ў намётавым лягеры (на выбар). Агляд (магчымы абнос) першага шлюза на рацэ. Погляд з ракі (магчымы шпацыр) на ядлаўцовыя узлескі. Насупраць вёскі Ругаец агляд астанкаў вадзянога млына. Агляд (магчымы абнос) другога шлюза на рацэ. Прагулка ў вёску Зуберава да мемарыяльнага абеліску загінуўшым воінам ВАВ. Дастаўка з фінішу маршруту на аўтатранспарце. Абеды на маршруце на турыстычных стаянках каля вогнішча.

Месцы, не трапіўшыя ў маршрут, якія знаходзяцца на рацэ Сула:
- вёска Сула: сядзіба «Панскі маёнтак Сула» (былы маёнтак Ленскіх) http://panski-maentak.by/;
- вёска Рубяжэвічы: касьцёл Сьвятога Юзафа рамесніка (1907-11гг), руіны драўлянага вадзянога млына (1875г), габрэйскія могілкі;
- вёска Рудня: руіны каменнага вадзянога млына XIX ст.

Спецыяльная рыштунак для сплаву і бівака на прыродзе, а гэтак жа спецыяльнае абмундзіраваньне можа прадастаўляцца арганізатарам.